Սուրբեր

ՍՈՒՐԲ ԹԱԴԷՈՍ ԵՒ ԲԱՐԹՈՒՂԻՄԷՈՍ

Շաբաթ, 28 Նոյեմբերին, Հայաստանեայց Առաքելական Եկեղեցին կը նշէ Թադէոս ու Բարթուղիմէոս առաքեալներու տօնը։ Անոնք մեր Եկեղեցիին տուած են առաքելական նկարագիր եւ ճանչցուած են իբրեւ Հայաստանի առաջին լուսաւորիչներ։

Ս. Թադէոս Հայաստան եկած է շուրջ 43 թուականին՝ քրիստոնէութիւնը քարոզելու համար, ու նահատակուած՝ հարաւ-արեւելեան Հայաստանի մէջ։ Անոր գերեզմանը կը գտնուի Ս. Թադէի վանքը (Իրան), ուր 3րդ դարուն մատուռ մը շինուած է։ Տարեկան ուխտագնացութիւններ տեղի կ՚ունենան մինչեւ այսօր դէպի վանքը։ Կը կարծուի, որ Ս. Բարթուղիմէոս Հայաստան ժամանած է աւելի ուշ՝ շուրջ 66թուականին։ Նահատակուած է Աղբակ գաւառի Հադամակերտ քաղաքին մէջ՝ Վանայ լիճի հարաւ-արեւելքը։

Leave a Reply

Your email address will not be published. Required fields are marked *