Երկուշաբթի, 19 Յուլիսին, Սրբոց Վարդանանց եկեղեցին (Փրաւիտընս, Ռոտ Այլընտ) սկսաւ իր ամառնային 7րդ ճամբարը 46 մասնակիցներով, ինչպէս եւ մեծաթիւ անձնակազմով, բաղկացած խորհրդատուներէ, օգնականներէ եւ խոհանոցի աշխատողներէ։ Ս. Գրային ճամբարի նիւթն է՝ «Թագաւորի զրահին փնտռտուքը», հիմնուած՝ Եփեսացիներու թուղթի 6:10-18 հատուածին վրայ։ Փակման հանդէսի փոխարէն, այս տարի համառօտ առցանց հանդէս մը պիտի ըլլայ՝ առողջապահական նկատառումներով։
