Չորեքշաբթի, 27 Հոկտեմբերին, Ազգային Առաջնորդարան այցելեցին Հայաստանի Զինծառայողներու Ապահովագրական Հիմնադրամի ներկայացուցիչներ Սոնա Բաղդասարեան (նկարին մէջ՝ ձախին) եւ Նարինէ Գալստեան։ Շնորհալի ներկայացուցիչները հանգամանօրէն ներկայացուցին հիմնարկին մատուցած ծառայութիւնը՝ 2017էն ի վեր շուրջ 4500 նահատակ եւ վիրաւորեալ զինուորներու ընտանիքներուն տրամադրելով նիւթական նպաստ։ Իրենց նշանաբանն է ոչ թէ նպաստ բաշխել, այլ հերոսի ընտանիքի արժանապատուութիւնը բարձր պահել։
