ԱՆՈՒՇԱՒԱՆ ԱՐՔԵՊԻՍԿՈՊՈՍ ԱՅՑԵԼԵՑ ՆԻՒ ՃԸՐԶԻԻ «ՇՈՒՇԱՆԻԿ» ՃԱՄԲԱՐԸ

Չորեքշաբթի, 9 Օգոստոսին, Թեմիս բարեջան Առաջնորդ՝ Գերշ. Տ. Անուշաւան Արքեպիսկոպոս, այցելեց «Շուշանիկ» ճամբարը, որ 7-11 Օգոստոսին տեղի կ՚ունենայ Սրբոց Վարդանանց եկեղեցւոյ (Ռիճֆիլտ, Նիւ Ճըրզի) կազմակերպութեամբ։ Ճամբարին 60 հոգի կը մասնակցին։ Ճամբարի գործունէութիւնը կ՚ընդգրկէ կրօնական դաստիարակութիւն, արուեստ ու ձեռագործ, պարի դասեր եւ ջրային խաղեր, եկեղեցւոյ հոգեւոր հովիւ՝ Գերպ. Տ. Սահակ Ծ. Վրդ. Եմիշեանի գլխաւորութեամբ։ Ուսուցիչներու եւ խորհրդականներու անձնակազմը բաղկացած է 20 հոգիէ։ Առաջնորդ Սրբազան Հայրը օրհնեց մասնակիցները, գնահատելով ընկերային եւ դաստիարակչական այս ձեռնարկին կազմակերպումը եւ անձնակազմին յանձնառութիւնը։