«Ս. ԳՐԻԳՈՐ ՏԱԹԵՒԱՑԻ» ԼՍԱՐԱՆԸ ՀԻՆԳ ՇՐՋԱՆԱՒԱՐՏ ՏՈՒԱՒ
«Ս. Գրիգոր Տաթեւացի» լսարանի 2024ի շրջանաւարտները դասատուներու հետ։ Ձախէն աջ՝ Կրէկ Վարժապետեան, Ճէյն Սիմոնեան Կորտնըր, Դանիէլ Առաքելեան, Լոռի Թէքէեան եւ Փօլ Թաթարեան։
Ազգային Առաջնորդարանի «Ս. Գրիգոր Տաթեւացի» ամառնային լսարանը հինգ շրջանաւարտ ունեցաւ. Ս. Վարդանանց եկեղեցիէն (Ռիճֆիլտ, Նիւ Ճըրզի)՝ Դանիէլ Առաքելեան, Ճէյն Սիմոնեան Կորտնըր, Լոռի Թէքէեան եւ Կրէկ Վարժապետեան, իսկ Ս. Խաչ եկեղեցիէն (Պեթեստա, Մէրիլէնտ)՝ Փօլ Թաթարեան։
Ամառնային լսարանը քառամեայ ծրագիր մը ունի, եւ զայն աւարտողները կրնան վերադառնալ յետաւարտական դասերու հետեւելու համար։ Այս տարի, լսարանը ունեցաւ 43 մասնակիցներ (առաջին մակարդակ՝ 14 աշակերտ, երկրորդ մակարդակ՝ 7, երրորդ մակարդակ՝ 11, չորրորդ մակարդակ՝ 5, յետաւարտական դասեր՝ 6)։
Աշակերտներու տպաւորութիւնները կարդալու համար, սեղմեցէք այստեղ։
Լսարանի լուսանկարները դիտելու համար, սեղմեցէք այստեղ։