ԱՐԺՊ. Տ. ՆԱՐԵԿ ՔՀՆ. ԹՐԹՌԵԱՆ ԿԸ ՊԱՏՈՒՈՒԻ ԱՒԱԳՈՒԹԵԱՆ ՏԻՏՂՈՍՈՎ

Կիրակի, 24 Նոյեմբերին, յընթացս Ս. Պատարագի, Ս. Սարգիս եկեղեցւոյ մէջ (Տակլըսթըն, Նիւ Եորք), Գերպ. Տ. Պօղոս Ծ. Վրդ. Թինքճեան կարդաց Ն.Ս.Օ.Տ.Տ. Արամ Ա. Կաթողիկոսի օրհնութեան գիրը, որով աւագութեան տիտղոս կը շնորհէր եկեղեցւոյ հոգեւոր հովիւ՝ Արժպ. Տ. Նարեկ Քհն. Թրթռեանին, գնահատելով անոր 20-ամեայ անձնուէր ծառայութիւնը Ս. Սարգիս եկեղեցւոյ համայնքին, ինչպէս նաեւ Ազգային Առաջնորդարանէն ներս Կրօնական Ժողովի անոր ներդրումը։  Պատարագիչ Առաջնորդ Սրբազան Հայրը բարձրօրէն դրուատեց Տ. Նարեկ Ա. Քահանայի  ծառայական ոգին որպէս օրինակելի հովիւ, որ իր հոգեւոր հօտին բազմազան կարիքներուն հոգատարութիւնը բծախնդրութեամբ կը կատարէ։