ՀՈԳԵՀԱՆԳԻՍՏ՝ ՍՈՒՄԿԱՅԻԹԻ ԶՈՀԵՐՈՒՆ ԵՒ ԱՐՑԱԽԻ ՀԵՐՈՍՆԵՐՈՒՆ ՅԻՇԱՏԱԿԻՆ 

Թեմիս բարեջան առաջնորդ՝ Գերշ. Տ. Անուշաւան Արքեպիսկոպոսի հրամանով, բոլոր ծուխերը հոգեհանգիստ կատարեցին Կիրակի, 23 Փետրուարին, ի յիշատակ բոլոր այն հայերուն, որոնք 1988-1990ին զոհ դարձան ատրպէյճանական ջարդերու՝ Սումկայիթի (Փետրուար 1988, Կիրովապատի (պատմական Գանձակ, այժմ՝ Գեանճա, Նոյեմբեր 1988) եւ Պաքուի (Յունուար 1990) մէջ, ինչպէս եւ ընդհանրպէս Արցախի ազատութեան ի խնդիր նահատակուած բոլոր հերոսներուն յիշատակին։