Ես Այդ Շունն Եմ, Պօղոս Սնապեան (թղթակազմ)

Պօղոս Սնապեան, իր կուռ ու կենդանի գրութեամբ, բանաստեղծական իւրայատուկ ոճով եւ լեզուի ճարտար գործածութեամբ, կը խօսի Ցեղասպանութենէն ճողոպրած գաղթական հայու մասին, հայրենիքէն զրկուած հայորդիներուն համար։ Ան կը դրուատէ հայ ժողովուրդի դիւցազնական սխրանքները, իր փառապանծ պատմութիւնն ու հրաշագործ նուաճումները։

Խորհրդային տարիներուն գրուած գիրքը կը պախարակէ խորհրդային տիրապետութեան չարիքները Հայաստանի մէջ, եւ իր հերոսի՝ շան միջոցով, կը պոռթկայ այլասերումի եւ ապահայացման ամէն տեսակի ոտնձգութիւններուն դէմ։