Ատենագրութիւն Քաղաքական Ժողովոյ Ատանայի (լաթակազմ)
$42.00
In stock
Մատենադարանի խումբ մը գիտաշխատողներու կողմէ պատրաստուած այս հրատարակութիւնը, ընթերցողին կը ներկայացնէ Ատանայի Քաղաքական Ժողովի 1905-1915 ժամանակաշրջանի ատենագրութիւնները, բացառելով 1 Մարտ 1909-1 Յունուար 1910 շրջանը՝ Ատանայի եւ Հալէպի նահանգներուն մէջ տեղի ունեցած կոտորածներուն եւ անոնց յաջորդած Ատանայի հայութեան ծանր վիճակին պատճառով։
Ատենագրութիւնները բացառիկ վաւերագիրներ են Ատանայի Հայոց Թեմի առաջնորդութեան հովանիին ներքեւ ապրող բնակչութեան ազգային կեանքին եւ Ատանայի հայութեան ժողովրդավարութեան մակարդակին մասին։ Գիրքը նաեւ կը պարունակէ Կրօնական Ժողովի եւ Տնտեսական Խորհուրդի խառն նիստերու ատենագրութիւններ։ Հատորը փաստաթուղթերու հրատարակութեան գծով Մեծի Տանն Կիլիկիոյ Կաթողիկոսութեան եւ Մաշտոցի անուան Մատենադարանի փոխըմբռնումի համաձայնութեան առաջին արտայայտութիւնն է։
Ծաւալուն հատորը օժտուած է ծանօթագրութիւններով, ինչպէս նաեւ անձնանուններու, տեղանուններու, բանալի բառերու եւ օգտագործուած աղբիւրներու ցանկերով։
| Weight | 2.5 lbs |
|---|
Shipping and handling will be added when the order is placed.
