Ֆրանսահայ գրագէտ ու վիպագիր Կարօ Փօլատեանի (1910-1986) «Զրոյց»ներու հատորները հայ մտաւորական կեանքի հետաքրքրական ու հանրամատչելի համապատկեր մը ներկայացուցած են հայ ընթերցողին։
Այս հինգերորդ հատորը կը պարունակէ զրոյցներ բանաստեղծներ Յարութ Կոստանդեանի եւ Զուլալ Գազանճեանի հետ՝ Եղիշէ Չարենցի մասին, զրոյցներ՝ Մխիթարեան միաբաններ Հ. Վահան Յովհաննէսեանի եւ Հ. Ներսէս Տէր-Ներսէսեանի հետ, եւ «Զրոյց՝ ես ինծի հետ»։ Բոլորն ալ լեցուն են շահեկան խօսակցութիւններով ու մանրամասնութիւններով։
