Ի Պէտս Դպրապետաց (լաթակազմ)

Ներկայ հատորին նպատակն է դիւրութիւն ընծայել դպրապետներուն, սարկաւագներուն եւ դպիրներուն՝ յատկապէս Յարութեան Կիրակիներուն։ Հատորը կը պարունակէ ժամերգութիւններու ընթացքին երգուող զանազան տեսակի երգեր, մեղեդիներ, շարականներ, սրբասացութիւններ եւ սաղմոսներ։

Հատորը բաժնուած է չորս մասերու. Կիրակամուտի երեկոյեան ժամերգութեան երգեր, գիշերային ժամերգութիւններու երգեր, առաւօտեան ժամերգութեան երգեր եւ Սուրբ Պատարագի երգեցողութենէն առանձնացուած երգեր, բոլորը ձայնագրուած։ Յաւելուածին մէջ գործնական նպատակներով ընդգրկուած են Սաղմոսներ, զանազան տօներու Ժամամուտներ եւ Ճաշու Ալէլուքներ։