Կոստան Զարեան, Կղզին եւ մի մարդ. Լօրընս Տառէլ, Պրոսպերոյի կղզին (թղթակազմ)

Այս գիրքը կ՚ընդգրկէ երկու գրական բարեկամներու՝ Կոստան Զարեանի եւ անգլիացի հռչակաւոր վիպասան Լօրընս Տառէլի փոխկապակցուած գործերը. Զարեանի «Կղզին եւ մի մարդ» վիպակը, որ առաջին անգամ գիրքով լոյս կը տեսնէ Սփիւռքի մէջ, եւ Տառէլի «Պրոսպերոյի կղզին» (թարգմանութիւն՝ Շաքէ Մինասեանի), որ հայերէնի թարգմանուած անոր միակ գործն է։ Հրատարակութիւնը աշխատասիրած է Վարդան Մատթէոսեան, որ մանրամասնօրէն ծանօթագրած է երկու գործերը եւ թարգմանաբար ներկայացուցած է բոլոր այն նիւթերը, որոնք կը վկայեն երկու գրողներու կապերուն մասին։