Հայերէն Հայքու, Կարին Անկողինեան (թղթակազմ)

«Հայքու»ն ճափոնական բանաստեղծութեան յատուկ ձեւաչափ մըն է, որ բաղկացած է 17 վանկերէ (5 + 7 + 5)։ Ըստ աւանդութեան, վանկերու այս թիւը ամենէն յարմարն է այդ բանաստեղծութիւնը մէկ շունչով արտասանելու։ Հեղինակը ամերիկահայ երիտասարդ մըն է, որ իր հայերէնի իմացութիւնը մշակած է ընտանեկան միջավայրին մէջ ու ինքնաշխատութեամբ։ «Յամառ եմ» բանաստեղծութեան մէջ, ան կը գրէ. «Ուզեցի գրել / Առանց մէկ օտար տառի / Բարի վայելում»։