Հոգեւոր Քարոզներ, Մեծն Սուրբ Մակար, Հայացուց՝ Մակար Եպս․ Աշգարեան (թղթակազմ)

Սուրբ Մակար, նաեւ ծանօթ՝ Մեծն Մակար անունով, ապրած է 4րդ դարուն եւ ճգնաւորական շարժումի հիմնադիր՝ նշանաւոր Մեծն Անտոն սուրբ ճգնաւորին աշակերտը եղած է։ Ձգած է աւելի քան հարիւր գիրք եւ յիսունէ աւելի խորհրդածական քարոզներ։

Մակար եպս. Աշգարեան հայացուցած է այս քարոզները Իր յառաջաբանին մէջ ան կը գրէ. «Չափազանցած չեմ ըլլար, եթէ ըսեմ որ գիրքը ընթերցողը ինքզինք պիտի գտնէ, Աստուածաշունչէն ետք, կեանքի փորձառական մեծագոյն դպրոցներէն մէկուն մէջ, ուր ձրիօրէն պիտի ստանայ կեանքի զանազան փորձութիւնները դիմագրաւելու գաղտնիքները։ Ան պիտի հաղորդուի եւ իրազեկ դառնայ աստուածահաճ ճանապարհէն քալելու անհամար սկզբունքներու, խորհուրդներու եւ ճշմարտութիւններու, պիտի տիրանայ յաջողութեան բանալիին, չարին դէմ դնելու եւ մեղքէն հեռու մնալու զէնքերուն եւ միջոցներուն, կատարելութեան աստիճաններէն վեր բարձրանալու կերպերուն, նաեւ հոգիով լուսաւորուած, մտքով հարստացած եւ սրտով խոնարհած կեանքը ապրելու զօրութիւնը պիտի ստանայ։ Անշո՛ւշտ եթէ կարդացածը ըմբռնէ եւ ի գործ դնէ, որ ուրիշ բան չէ, եթէ ոչ Աստուած-մարդ եւ մարդ-մարդ յարաբերութեան պատմութիւնը ներկայացնող Աստուծոյ կենդանի խօսքին՝ Աստուածաշունչին, պարզաբանութիւնն ու բացատրութիւնը»։