Հովիւի Գրասեղանէն, Բ․ Հատոր, Ներսէս Ա․ Քհն․ Մանուկեան (թղթակազմ)

«Սոյն հատորը վստահաբար օգտաշատ պիտի ըլլայ բոլոր ընթերցողներուն, բայց մանաւանդ որպէս ուղեցոյց ծառայէ մեր նորընծայ հոգեւոր եղբայներուն, որպէսզի բաժնեկցնելով իրենց աւագ եղբօր փորձառութիւնը, անով հարստացած ծառայեն նպատակասլաց տեսլականով», կը գրէ Գերշ. Տ. Անուշաւան Արքեպիսկոպոս իր սրտի խօսքին մէջ։

Արժպ. Տ. Ներսէս Ա. Քհն. Մանուկեանի այս հատորը շարունակութիւնն է 2008ին անգլերէն լոյս տեսած “From the Pastor’s Desk” գիրքին։ «Սոյն գրութիւնները աստուածաբանական կամ փիլիսոփայական մակարդակներու վրայ գրուած չեն, այլ միայն ու միայն ուսուցողական եւ խրատական մակարդակներու», կ՚ըսէ հեղինակը։ «Որպէս «Դէտ» իմ հօտին, գրած եմ իրենց հոգեւոր դաստիարակութիւնը ի մտի ունենալով՝ կարելի եղածին չափ իրենց հասկնալի մակարդակի վրայ»։