Հոսհոսի Ձեռատետրը, Յակոբ Պարոնեան (թղթակազմ)

Մեր ամենէն մեծ երգիծագրի՝ Յակոբ Պարոնեանի գործերը հայելիի պարզութեամբ կը ներկայացնեն ժողովուրդի բարքերուն ու մարդոց նկարագրին վրայ կապած յոռի ու վատառողջ երեւոյթները։ Պարոնեան իր ստեղծած կենդանագիրներով կը պատռէ ժամանակի սահմանագծումները, երաշխաւորելով իր վաստակին անժամացելի բնոյթը եւ անժխտելի կենդանութիւնը։

«Հոսհոսի ձեռատետրը» Պարոնեանի ընդհանուր վաստակին մանրանկարն է։ Յակոբ Օշականի վկայութեամբ, «աւելի քան շքեղ, պայծառ Պարոնեան մըն է», որուն «սրամտութեան գլուխ-գործոցն է անտարակոյս «Հոսհոսի ձեռատետրը», առանց միջանկեալ տարրերու թանձրացնող կամ ծանծաղող չարիքին»։