Միջնադարեան ձեռագրի մը վրայ հիմնուած առաջին հայերէն տպուած գիրքը՝ Յակոբ Մեղապարտի կողմէ հրատարակուած «Ուրբաթագիրք»ը (1512), մինչեւ հիմա գոյութիւն ունէր իր գրաբար (մասամբ՝ շրջանի ժողովրդական-խօսակցական լեզուով) բնագրով։ Հայկական տպագրութեան 400ամեակին առիթով, հայրենի բանասէր Լուսինէ Աւետիսեան իրագործած է «Ուրբաթագիրք»ի այս գողտրիկ հրատարակութիւնը՝ դէմ առ դէմ դնելով բնագիրը եւ աշխարհաբարի (արեւելահայերէն՝ դասական ուղղագրութեամբ) վերածումը։ Աշխատասիրողը այս հրատարակութեան աւելցուցած է ընդարձակ յառաջաբան մը, ծանօթագրութիւններ, անձնանուններու եւ տեղանուններու ցանկ, եւ հատորը աւելի գրաւիչ կը դառնայ Ուրբաթագիրքի առաջին հրատարակութեան պատճէնով եւ 16 հայկական մանրանկարներու լուսանկարներով։
|
