Սփիւռք եւ ինքնութիւն, Շահան Գանտահարեան (թղթակազմ)

Այս հատորը կ՚ամփոփէ 2017ին Անթիլիասի մէջ կազմակերպուած համանուն համագումարին ներկայացուած զեկուցումները՝ թէ՛ գիտական եւ թէ՛ հրապարակագրական բովանդակութեամբ։ Սփիւռքի մերօրեայ ինքնութեան հարցերուն նուիրուած համագումարը անդրադարձած է բազմաթիւ այժմէական հարցերու՝ վերջին 30ամեակի իրադարձութիւններու լոյսին տակ։ Ինչպէս յայտնած է Արամ Ա. Վեհափառ Հայրապետը իր ուղերձին մէջ, «ի՞նչ կը նշանակէ հայ ըլլալ Սփիւռքի մէջ, ի՞նչ են հայ մարդուն հա՛յ ըլլալու ցուցանիշերը ու հայ նկատուելու չափանիշերը, ի՞նչ է հայ մարդուն ինքնահասկացողութիւնը»։