Պատասխան Հաւատացեալի Հարցումներուն, Զարեհ Արք․ Ազնաւորեան (թղթակազմ)
$12.00
In stock
Սոյն հատորը կը ներկայացնէ հոգելոյս Զարեհ Արք. Ազնաւորեանի յետմահու լոյս տեսած չորս գիրքերէ, ինչպէս եւ «Հասկ» պաշտօնաթերթէն քաղուած 154 հարցումներու պատասխանները։ Իր յառաջաբանին մէջ, խմբագիրը՝ Աւետիք Վրդ. Տէր Կարապետեան, կը գրէ.
«Երբ հաւատացեալներու հետ շփումի մէջ կը մտնենք, անոնց կողմէ եկեղեցականներուս ուղղուած հարցադրումներուն ընդմէջէն, կը տեսնենք հոգեւոր արժէքներու ու ճշմարտութիւններու ծարաւը։ Ասկէ մեկնած, փափաքեցայ աշխատասիրութեան մը ձեռնարկել, որուն խորքը քրիստոնէական հաւատալիքներու եւ սրբազան արժէքներու ճանաչողութիւնն է եւ եղանակը՝ հարց-պատասխան։ Երկար խորհելէ ետք, որոշեցի հոգելոյս Զարեհ Արք. Ազնաւորեանի ուղղուած հարցումները եւ անոր կողմէ տրուած պատասխանները համադրել ու զանոնք համեստ հատորի մը վերածել, որուն նպատակը պիտի ըլլար ընդհանրապէս հաւատացեալներուն ու յատկապէս երիտասարդներուն հարցադրումները գոհացնել»։
