ՆՈՐ ՏԱՐՈՒԱՆ ՆՈՒԷՐՆԵՐ՝ ԱՐՑԱԽՑԻ ՄԱՆՈՒԿՆԵՐՈՒ

Սեպտեմբեր 2025-ին, Ս. Լուսաւորիչ Մայր Եկեղեցին Արցախի նուիրուած ձեռնարկ մը հիւրընկալած էր, որուն ընթացքին ծխականներն ու հիւրերը բացիկներ ու նամակներ գրած էին Արցախէն բռնագաղթուած երեխաներու համար։ Նամակները Հայաստան հասած էին Կաղանդին, երբ եկեղեցւոյ աջակցութեամբ եւ տեղւոյն վրայ Նինա Շահվերդեանի աշխատանքով, շուրջ 90 երեխաներ ստացած էին նուէրներ Մայր Եկեղեցւոյ ծխականներէն եւ հաւաքուած՝ պատասխան նամակներ գրելու։

Այս հաւաքոյթը քով-քովի բերած էր Արցախի Հերհեր գիւղէն աւելի քան 35 մանուկներ, ինչպէս նաեւ շուրջ 40 երեխաներ որոնք կ՚ապրին Սիւնիքի Կոռնիձոր գիւղը՝ Հայաստան-Ատրպէյճան սահմանին վրայ։