“Անձինք Նուիրեալք” Շարականը, Գրիգոր Փիտէճեան (թղթակազմ)

Կաթողիկոս Կոմիտաս Ա. Աղցեցի 7-րդ դարուն յօրինած է «Անձինք նուիրեալք» շարականը, նուիրուած՝ Հռիփսիմեանց կոյսերու նահատակութեան, որ անկիւնադարձային դրուագ մըն է Հայաստանի քրիստոնէացման պատմութեան մէջ։ Այբբենական կարգով յօրինուած այս շարականը գրական գոհար մըն է իր լեզուի ճոխութեամբ, գրական պատկերներու հոսքով, հաւատքի ներշնչող զօրութեամբ եւ յոյսէն բխող ցանկալի խաղաղութեամբ։ Անոր երաժշտական յստակ եւ յատուկ կառոյցը գիտական յատուկ ուսումնասիրութեան ենթարկուած է այս հատորին մէջ։