Թուղթ Ընդհանրական, Ներսէս Շնորհալի, աշխարհաբարի վերածեց Անուշվարդ (թղթակազմ)

Ութը հարիւր յիսուն տարիներու խորքէն կը հնչէ տիրական ձայնը Սուրբ Ներսէս Շնորհալի հայրապետին, որ հովուապետական իր կոչը լսելի կը դարձնէ հայրենի հողին կառչած թէ սփիւռքի մէջ վտարանդի՝ ընդհանուր հայութեան։

Ժամանակը փոխանակ մաշեցնելու, կարծէք աւելի աճեցուցած է այս յորդորական թուղթին հմայքը, որ ուղղուած է հայ ժողովուրդի բոլոր խաւերուն՝ վանականներուն, վանքերու մեծաւորներուն, առաջնորդներուն, քահանաներուն, իշխաններուն, զինուորներուն, առեւտրականներուն, աշխատաւորներուն եւ կիներուն։

Այսօրուան հայ մարդը վստահաբար նոյնքան քաղելիք բան պիտի գտնէ այս գրքոյկին մէջ, որքան սուրբ հայրապետին ժամանակակիցները։