Կիւրինը ճանչցուած է իբրեւ Փոքր Հայքի գաւառ Սեբաստիոյ նահանգին մէջ, ինչպէս եւ քաղաք, որ 1915ի ցեղասպանութեան ունեցած է շուրջ 15.000 հայ բնակիչ։
Կիւրինի պատմագիրքը հրատարակուած է 1974ին, տպագիր ու անտիպ մեծածաւալ նիւթ ընդգրկելով։ Առանձին բաժիններ կ՚անդրադառնան քաղաքի պատմութեան, հայութեան վիճակին, ազգագրութեան ու ժողովրդական աւանդութիւններուն, 1915ի ջարդին ու տեղահանութեան, ինչպէս եւ Կիւրինի հայրենակցական միութիւններու գործունէութեան յետեղեռնեան շրջանին։
Նոր հրատարակութիւնը խմբագրուած է, օժտուած առանձին ցանկերով եւ նոր նկարներով։
