Ես յանցանք գործեցի, Հայ Սանինեան (լաթակազմ)

Հայաստան ծնած, Բ. Աշխարհամարտին արտասահման անցած ու ապա Ամերիկա ապրած գրագէտ Սուրէն Սանինեանի (1912-1983) առաջին գործն է, որ Հայ Սանինեան ստորագրութեամբ լոյս տեսած է 1950ական թուականներուն։ Ինչպէս գրուած է խմբագրական ծանօթութեան մէջ, «երեւակայական պատմութիւն չէ այս գրուածքի նիւթը, այլ իրականութեան ճշգրիտ արձանագրութիւն։ Հեղինակը՝ երիտասարդ գիւղատնտես, որ այժմ կը գտնուի Մ. Նահանգներ, անձամբ տեսած եւ ապրած է այն ամէնը որ պատմուած է այստեղ։ Որով, անոր այս պատմութիւնը, գեղարուեստական երկէ անդին, մարդկային վաւերագիր մըն է, որ կը բնորոշէ խորհրդային դաժան վարչաձեւը»։