Համապատկեր Արեւմտահայ Գրականութեան, Բ․ Հատոր, Յակոբ Օշական (թղթակազմ)

Հռչակաւոր վիպագիր եւ գրական քննադատ Յակոբ Օշական (1883-1948) իր կեանքի վերջին տարիներուն գրած է կոթողական «Համապատկեր»ը, որուն տասը հատորներէն միայն առաջինը լոյս տեսած է անոր ողջութեան։ Հեղինակը «արեւմտահայ գրականութեան վէպ» կոչած է իր գործը, ուր ներկայացուցած է 1850-1915 ժամանակաշրջանի մեծ ու փոքր բազմաթիւ դէմքեր, վերջին հատորը վերապահելով ինքնավերլուծումի։ 1979-1982ին Կիլիկիոյ Կաթողիկոսութիւնը հրատարակած է վերջին չորս հատորները, իսկ 2015-2019ին Կաթողիկոսարանի «Գէորգ Մելիտինեցի» հիմնադրամը վերահրատարակած է առաջին վեց հատորները, որոնք 1945-1968ին լոյս տեսած էին Երուսաղէմի եւ Պէյրութի մէջ։